Erabilera arauak:
- Ordutegia: astegunetan, 07:00etatik 21:30era; larunbat-jaiegunetan, 08:00etatik 21:30era
- Bete itzazu gure aholkuak, sauna/hammama eraginkorra izan dadin.
- Librea eta doakoa, kontraindikaziorik ez duten 18 urtetik gorako pertsonentzat.
Ezaugarriak:
- Tamaina handiko sauna, 15 m²-koa. Sauna lehorra (edo finlandiar sauna) zurezko kabina itxi bat da, bero handia eta oso hezetasun txikia erabiltzen dituena, izerditze sakona eragiteko.
- Tenperatura 80 °C eta 100 °C bitartekoa da.
- Hezetasuna oso txikia izaten da, gehienez % 20koa.
Onurak:
- Muskuluak erlaxatzea: bero handiak tentsioak eta muskuluetako minak arintzen ditu.
- Zirkulazioa hobetzea: odol hodiak dilatatzen ditu, eta pultsua emeki azeleratzen du.
- Larruazala garbitzea: izerditze biziak poroak irekitzen eta ezpurutasunak kentzen laguntzen du.
- Estresa murriztea: burua lasaitzen eta nekea txikiagotzen laguntzen du.
Erabilera aholkuak:
- Sauna lehor batean gomendatutako denbora 10 eta 15 minutu artekoa da, saio bakoitzeko; inoiz ez 20 edo 25 minutu baino gehiago.
- Hasiberria bazara: lehenengo bisitetan, has zaitez 8 eta 10 minutu bitarteko saio laburrekin.
- Txanda kopuru maximoa: egin itzazu gehienez 2 edo 3 txanda bisita egun bakoitzeko, txanden artean atseden hartuta.
- Maiztasun ideala: har itzazu astean 2-3 saio, gorputza nekatu gabe onurak nabaritzeko.
- Prestaketa: dutxatu zaitez ur epelarekin, eta saunara sartu aurretik ondo lehortu ezazu larruazala, hobeto izerditzeko.
- Hidratazioa: edan ezazu ura saioaren aurretik eta ondoren; saihestu itzazu alkohola eta kafeinadun edariak.
- Jarrera: erabil ezazu eskuoihal bat esertzeko, eta jar zaitez banku ertainetan edo baxuetan hasiberria baldin bazara.
- Irtetea eta kontrastea: irten zaitez poliki, atseden har ezazu minutu batzuetan giro tenperaturan, eta dutxatu zaitez ur epelarekin edo hotzarekin, oinetatik hasita.
- Segurtasuna: irten zaitez berehala baldin zorabioa, goragalea edo arnasa hartzeko zailtasuna baduzu.
Situada junto a las piscinas cubiertas